12-31-2019, 09:05 PM
|
#1 |
  |
وقامت همومك وسط صدرك تزنـّا استغفرالله عن خطـاك ومعاصيـك ليـن ان غيمـات القلـق ينجلنـا وادفن وسط حدب المحاني بلاويـك لو قيل لك فضفـض لنـا وبثِهِنّـا الناس ياخلٍ تلوعـه مشاكيـك والا شمـوتٍ بـس يشتالهنـا وانته وش الي من هدومك مجزيـك تحمّـد الله هـم غـيـرك مثـنّـا تمشي على رجليـك والله معافيـك وغيرك على بيض السرايـر يونّـا كان الذي مزعجك شيٍ بماضيك ما انته معـدل مايـلاتٍ مضنـا مثل الرمـاد تحرّثـه ليـن يكويـك تنسى الهمـوم وترجـع تعيشهنـا يانعمة النسيان وشلـون اجازيـك لولاك كان النـاس راحـت مجنـا وان كان همك غيب مقبـل لياليـك يمكـن توفـّى قـبـل لايا صلـنـا الله خلقـك وكافلـك مـا يخلـيـك يرزق خشـاش الارض بجحورهنـا عش بس يومك وانبسط مع بني خيك ما فات مـات وباكـر بغيـب عنـا والناس لوتركض برجلك واياديـك كايـد رضاهـم كلـهـم لاتعـنّـا اطلب رضا الله واترك الناس يرضيك وتمشي لـك الدنيـا علـى ماتمنـا وعن كثرة الروحات قصر خطاويـك والواجبـات اليـا بـدن لاتـونـا ولسانك حصانـك تفكـه يدهويـك ولاتسرج خيولك على حساب ظنـا و الهرج دامك ماسمعتـه باذانيـك لا جـاك منـّا خلـه يـروح منـّا والامر شاور به رفيقٍ مصافيـك قـدام سفـن البـحـر لايبحـرنـا لو كان عرفك حسب ظنـك يقديـك يمكـن يشـوف امـور ماشفتهنـا والراي حلة لغـز مابـه تشاكيـك لو لـه مراميـعٍ لـه يشابهنـا ومن لايعرفك زين ينظـر مخاويـك يـوم الطيـور تطيـر لاشباههنـا اما امدحوك الناس لا حـل طاريـك والا يـقــال الله لايمـتـحـنـا جربت وانشدني عن الناس وافتيـك وان كـان ماسدتـك رح خوضهنـا تجاربٍ ماقلتها لاجـل اوصيـك هجوس شاعـر بالقصيـد اطلعنـا |
|
|
01-01-2020, 02:01 AM
|
#2 |
  |
تقبلِ مروري :68: |
|
|
|
01-01-2020, 08:12 AM
|
#3 |
  |
على جميل طرحك يعطيك ربي ألف عافيه بإنتظار جديدك بكل شوق لك مني جزيل الشكر والتقدير |
|
|
|
12-20-2020, 01:00 PM
|
#4 |
|
الابتسامة حديث طيب
 |
ودى واحترامى |
|
|
 |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| سجل حضورك باسم شاعر | فخامة | الشعــــــــــــر | 112 | 08-01-2024 05:33 PM |
| سجل حضورك اليومي باسم شاعر | اميـر الـذوق والرقه | الشعــــــــــــر | 9 | 06-08-2010 06:24 PM |
| بزر يقلد شاعر المليون | المشربه | الصوتيات والمرئيات | 20 | 05-30-2010 09:27 PM |
| شاعر المليون حمار | MeshOoOoOo | المنتدى العـام | 8 | 06-18-2008 09:30 PM |
العرض العادي
