04-15-2020, 03:17 PM
|
#1 |
  |
إليكم الابيات ؛ يا وجودي كل ما هب نسناس الشمال … وجد من حده زمانه على الي ما يبيه ويا وجودي كل ما اضحيت ثم مال الظلال … لاغفت عيني ولا ذقت شي مشتهيه وجد من قفى وهو في رجا كلمه تعال … والتفت من عقب ما اقفى ولا احد لد فيه وياعذابي لا دنا الليل من روس الجبال … وانقضى يوم من العمر ماعاد ارتجيه وانتي ابعد من سمى الحلم ووصالك محال … يابعد من هل دمعي ضحى الفرقى عليه ياغناتي لا تحسبين دمعي يوم سال … ضعف ولا خوف ولا كذا ولا كذيه والله اني من رجال يضدون الرجال … لكن الحظ الردي ساق دمعي كلبيه والله اني كل مادار حوليك الجدال … قمت كن الموت يشر على قبري بيديه والله ان قد لي وانا اصد لا جالك مجال … صدت الي لا تضايق تذكر قبر اخيه ومن سألني قلت مدري واذا عاد السؤال … قلت له تكفى سؤالك ترى ماهو وجيه وش تبيني اقول عن من ترى ذبحي حلال … والخطاء منها علي صرت احبه واهتويه عذرها لو ماتعذر مثل واضرب مثال … واحد ما يعرف الحر الاشقر يشتويه وان رجعنا للتواصيف لله الكمال … لانتهى ليل المزايين جاتك تبتديه كنها غفل مع البدو طاويها الحيال … ما يميز وصفها الا نبيه من نبيه واهني الي وصلها وذاق من الزلال … رشفه مع غفله الناس من فيها بفيه وعزتي للي سواتي عشق ما لا يطال … ويوم طاله ضيع الحلم بين امه وابيه ياول احلام الطفوله على حد الخيال … الرجا بالي حمى البيت من حمله بريه حال دونك سيف عنتر وتاسع حول حال … باثر حول حال دونك وانا ادعي هيه هيه هيه يالي غرك الحسن واطغاك الجمال … والله ان اموت ما شفت لاوصافك شبيه لو يسام الحسن والتيه بجنيه وريال … ما بقى في سوق غيرك ريال ولا جنيه كيف اهدك للمقادير وانتي راس مال … راس مال ومال والمال ما يعطى السفيه حافظك حفظي لعيني ورمشي لك جلال … وانتي تشحين بالماء وانا شفي مويه شايف ظلمك وساكت وطال الليل طال … لاتركتي طعن قلبي وانا ما قلت ليه لو بقى للهيل صبر على فوح الدلال … ما بقى للقلب صبر على شي يجيه كنت احسب ان الغلا زال واثره لا يزال … في الحشى ما كنه الا دخيل في الوجيه ساقني حبك على الموت وسنيني هزال … والظروف اقسى من الظلم للعرض النزيه وانتي تسوقين عقلي على حد الهبال … تحسبين ان من بغى شي يقدر يشتريه ولا انا ياوجد حالي وجود ما يقال … وجد من ضحى بغاليه لرضى والديه ويا وجودي ياول العمر قبل البس عقال … وجد من باع اخر العمر في رغبه ذويه ويا وجودي كل ماهب صوتك من شمال … وجد من حده زمانه على الي ما يبيه |
|
|
04-16-2020, 12:12 PM
|
#2 |
  |
ليس هذا بمستغرب فأنت منبع الإبداع والتميز |
|
|
|
04-16-2020, 09:19 PM
|
#3 |
|
|
اشاده أتشرف بها جدا من قامه في المنتدى مثلك لا حرمنا الله طلتك |
|
|
|
12-18-2020, 09:39 AM
|
#4 |
|
الابتسامة حديث طيب
 |
ابداع رائع وكلمات ولا اروع ونقل مميز ومختار بعناية من اسمه لوحده عنوان لما نقله شكررررا لك |
|
|
|
01-25-2021, 08:16 AM
|
#5 |
|
|
زادت صفحتي نورا وبريقا بحضورك الانيق الرائع |
|
|
|
01-25-2021, 05:46 PM
|
#6 |
  |
رائعه جدا .. قصيده .. هزت كيان القلب .. مبدع والابداع ينبع منك اخي فخامه كالعاده متميز باختيارك :shokrn: |
|
|
|
01-25-2021, 10:04 PM
|
#7 |
|
|
|
|
|
 |
|
|
العرض العادي
