|
||||||
| القصص والروايات يختص بالقصص والروايات الادبيه |
|
|
أدوات الموضوع | انواع عرض الموضوع |
07-06-2008, 08:51 PM
|
#1 |
  |
آآآمين آآآآآآآميييين آمييييييييييييييييييييييييييييييين والله ضاق صدري عليك يا سعود وعليكي يا هيفا ياجامع الناس ليوم لا ريب فيه اجمع سعود ب هيفا الله يجمع قلوب المحبين ويبعد عن البنات عيال الحرام الي يلعبوا ف قلوووووبهم {..قصة غرام أبتدت في دلالي وأنتهت بتحطيم حبي وأحلامي ..} هذي قصةحب واقعيه إنهت قبل اشهرقليله فقط قررت أنا أكتبها ..وأنشرها بالمواقع النت والبلوتوثات والوسائط المتعدده،>،>،> {{وأحاول قدرالمستطاع إن اجعلهابين يدين أكثرعددممكن من الناس}} لعلهاتكون سبب في زيادة الحرص بقلوب البعض وزيادةالخوف والحفاظ على كل أثنين تتوسط قلوبهم علاقه حب ساميه وشريفه. . . قبل أن أبدى أقصهاعليكم... ..عندي رجاء منكم أخواني وأخواتي.. أول رجاء/عدم جرح أبطال القصه وتكذيبها لأنهاحقيقه {%} وقديصدقهاالعشاق فقط وهم وحدهم يعرفون ان العالم هذا ياكم جرح وعذب وكان سبب بحرق القلوب وقهرالدموع وفقدان العين شوفةالغالين وياكم أشعل السعاده والضحك ببعض القلوب... وكان سبب في راحة بال الكثيرين... وكان أول سبب في جمع قلبين وثاني رجاء/قول آمين بنهايةالقصه.. ثالث رجاء/عدم سرق القصه أوتزويد وتنقيص بلكلمات.. رابع رجاء/قم بمساعدتي وأنشرها معاي لاني أريدها أن تصل وووإليكم ..مات القصه فهي الكفيله بتعريفكم من أكون أنا ومن تكون هيفاء ... قصة بنت في مرحلة المتوسط أسمها :هيفاء مواصفاتها:متوسطةالجمال' متوسطةالطول'سمرا اللون' هواياتها :الضحك واللعب والدواجه بشوارع ليل ونهارهي وشلتها كانت كل يوم بعدما تطلع من المدرسه تقول لسواق شغل المسجل على آخرشي تبي تلفت أنظارالشباب وحتى كانت تفتح الشباك تستهبل وتمزح وتحارش الشباب وكان السواق رهيب مثلها وإذاقربت من البيت تتغير وتصيرمحترمه حيييل يمكن عشان أخوها نواف لأنه مطوع؟؟!! أماأهلها كلهم داجين (وفري) وإذاجاءالعصرتتطلع مع خوياتها الداجات للمملكه أوالفيصله أومطاعم وكوفيات التحليله للبحث عن الشباب وإذاجت الساعه عشرونص رجعو للبيت ونامو عشان المدرسه وفي الويك أند ينهبلون زياده يروحون لشاليهات أومزرعة أوإستراحه لأوحده فيهم رقص للفجروحلويات طايحه على الأرض وجوال مسمينه جوال الكل يحطونه بلوسط وكلهم يجمعون ..ويدقدقون على الشباب ويتخبلون ويستهبلون إلى الفجر ثم يرجعون إلى بيوتهم {عسى الله يحفظ بنات المسلمين ويهديهم} وفي مره من المرات طلعت هيفا مع صاحباتها لمطعم إسبازي وفي المملكه ومثل عادتهم يرسلون ويستقبلون في البلوتوثات .. وكانت فيه طاوله كلها شباب كل واحد أكشخ وأحلى من الثاني كانت قريبه من طاولة المهسترات بس كانوالشباب ثقل قالت هيفاء لصاحبتها : نوف نوف شوفي ذاك يهبللللل قالت نوف : أي واحد قالت هيفاء :إللي لابس جيشي قامت نوف تبحث عن بلوتوثه وللأسف كان مقفله!! قامت لفت على هيفاء وقالت: ماني نوف لوماجبته لك قالوالبنات: وش بتسوين قالت: إحناإيش أسم شعارنا قالو: (المصرقعات) بصوت على (لانعرف المستحيل وإلامايصير نخليه يصير) وقاموالمهبولات يصفقون كانهم سكارى لفتوإنتباه الجميع... إلا...شلة سعود...ماعبروهم!! قالت:سلطانه وجع ليش ماناظرونا؟؟ قالت:نوف أصبرويابنات إن مع العسر يسرا وأناجايبتهم هالمزاين جايبتهم ومرت نوف من عند سعود وقالت أفتح بلوتوثك! سعود سمعها ولاعبرها بس هي تحسبه ماسمعها نادت الجرسون وعطته ورقه كتبت عليها افتح بلوتوثك وأرسلتها وقف سعود وجلس يناظرهم والبنات أنبسطوا وهيفاء أستحت قام قطع الورقه وجلس أنصعقوالبنات قالت نوف لهيفاء : لاتزعلين بنحاول معاه المهم هيفاء مسكت معاها تبيه تبيه ويمكن حبته من أول نظره(لاتلومونها يشبه خالد بن الوليدبن طلال ولابس جيشي) قام سعود وأصحابه بيطلعون من المطعم وقامو وراهم البنات ونوف تقول: يامغرور عطنارقمك وش دعوه لف سعود وقام يناظرها نظرات إستحقار قالت نوف:خييييييرموعاجبتك رد بصوته المبحوح: أكيد لا..لأني ماحب النوعيه هذي من البنات؟ إنقهرت نوف:ووش فيها نوعيتنا إلانهبل والكل معجب فينا! قال:شفتي أسلوبك وردك كيف؟؟ وإلاعباياتكم ومشيتكم كيف؟ وإلاأصواتكم العاليه تتعمدون ترفعوان أصواتكم عشان تلفتون الأنتباه بسوالفكم ونكتكم المنحطه؟وترى بنات المسلمات المتربيات مايسون حركاتكم قالت نوف:حدك عاد ولاتكمل وأنت أصلا ماتملى عيني بس صاحبتي قالت أبيه وقلت بحاول أجيبه بس طلعت مو مغرور بس طلعت متخلف وترى المملكه مليانه شباب وأحلى منك ويتمنون مننانظره قاطعتها هيفاء وقالت :خلاص نوف يكفي سعود حس بشي غريب لما سمع صوتها وقالت: أناآسفه اناإللي قلت لهاأبيه وهي كانت تبي تخدمني ولاكنت أعرف إنه شي بيضايقك وآسفه مره ثانيه دارت هيفاءوأخذت صاحبتهاونزلو (الله يرحم ذيك الأيام تذكرتها) قال سعود: ضميري أنبني قالوله أصحابه: تكبروتنسى ولمانزل سعود شاف هيفاءعند العربيه للعود..وكانت معطيته ظهرها بس هوعرفها لأن نوف ناظرته .. راح سعود بسرعه وترك أصحابه وقال لهيفاء:أفتحي بلوتوثك لفت هيفاء وشافت سعود وأبتسمت..بدون تعليق وراحت وخلته وهووراها (سبحان مغيرالأحوال) ويقولها :يابنت أفتحي بلوتوثك برسلك رقمي..وهي مطنشته آخرشي مل قالها :بتفتحين وإلا خلاص أروح لفت بسرعه وقالت: لا لاتروح بفتحه وشافتهم عجوزفتانه وأرسل رقمه إلاالسكرتي جاء يطلعه بس بعدما ارسل رقمه (هذي بداياتها) وبعدها بيومين دقت هيفاء على سعود ..الساعه ثلاث الفجربس كان نايم ولارد ويوم قام وشاف الرقم قال :أكيد هذي البنت إللي بلمملكه ودق على الرقم ردت هيفاء : هلا والله سعود: هلا فيك بس أنا لقيت رقمك بجوالي من داق؟ قالت:أنا قال:والله والنعم بس من أنتي قالت:أناهيفاء وهبي قال:ترى أناماأحب الخفه تكلمي بثقل قبل أسكر بوجهك قاطعته : لاخلاص أناهيفاء اللي كنت بلمملكه وقامو يسولفون وسألته : سعودكم عمرك قال:سبعه وعشرين .. وأشتغل بزنس ..وأنتي ؟؟ قالت :ست طعش قال سعود :يوووه صغيره حيل ..ماأتوقع ننسجم مع بعض فرق كبير بيننا قالت :أنت جرب وش بتخسر قال بخاطره وش أجرب بزره مرت الأسابيع والشهور ..وسعود مره يرد ومرات يطنشها وإذاقالت :ليه ماتردعلي يقولها :ماأبي أضيع وقتي مع بيبي وأحمدي ربك إذارديت عليك ولاتقعدين تشرهين يامبزره مرت سنه على هاالحال .. ويوم نجحت شافت كل وحده خويها وأهلها يسألون عن النتيجه إلاهي دقت ولارد عليها أرسلت له مسج ..اليوم أستلمنا شهاداتنا أناوصحباتي وكلنانجحنا بس كلهم لقومن يباركلهم ..إلا أناماحد بارك لي غيرسواقي أنكسرقلب سعود وكلمهايبارك لها..وشرالهاهديه وبعدها بشهرأتصلت تبكي تقول إنها بتسافرلجنيف مع أهلها فرح سعود يقول فرصه أبفتك من هاالبزره وفعلا سافرت و فرح سعود الساعه الأولى ..بعدين شوي شوي حس بضيقه فقد أحد بس هوماتوقع أنه بيفقد هيفاء ..مايعرف وش فيه وبعد ثلاث شهور دق جوال سعود ..وشاف الرقم قال موغريب ولمارد صوت هيفاء :سعود أشتقت لك اليوم أنا رجعت من جنيف وأنت أول من كلمته قال سعود بقلبه إففف وش جابها قالت:سعود ليه ساكت قال:وش تبين أنتي لايكون تبيني أغني لك قالت : شكلك مو فراحان قال: بستهتارأكيد موفرحان أناسعود أكتمت المسكينه بقلبها وسكرت .. أتصلت عليه وقالت:سعودأحبك سكت سعود مارد عليها قالت:حبيبي سعود ألزم ماعلي راحتك..وأنا عارفه إنك تكرهني وإنك تتضايق مني ..بس هذاوعد ماراح ادق عليك مره ثانيه صرخ سعود بدون شعوري : لحظه هيفاء قالت: هاه وش تبي قال:أنا أول مره بقولها بحياتي..ولاكنت أتوقع أقولها خصوص لك ..هيفاء أنا أحبك قالت هيفا :سعود بربك لاتكذب علي قال : والله أحبك طارت هيفاء من الفرحه ..وصارت كل يوم تشوفه وكل نهاية أسبوع تجلس وتسهرمعاه إذاطبعا سهرت مع صحباتها بلإستراحه ..تناديه وتجلس معاه لحالهم وزداد الحب بينهم كان يتفرغ له كل ظهر . .يمشي وراهاعشان ماتستهبل إذاطلعت من المدرسه مع أحد كان يخاف عليها من جنونها ومراهقتها ومن المهسترات خوياتها ويوم عيدميلادها كانت مسويه حفله كبيره بمزرعتهم بلخرج راح سعود وأصحابه يسلونه بطريق عشان بيودي لهاهديتهابيسوي لهامفاجأه تخيلوا لمجنونه وش سوت لماعرفت إن سعودعند الباب تركت المعازيم وطلعت تركض لسعود سعود تفشل من أخوياه يوم طلعت فاتشه ولاعليهاعبايه وبنفس الوقت غارعلى حبيبتهه بدال مايقولها هبي بيرزدي قالها ياحيوانه العيال شافوك وغطاهابشماغه ..وأخذها ورى الشجره وكان الوقت بليل وطبعا طريق المزارع مافيه أحد وعطاها هديتها وسوى إللي كل حبيب وحبيبته يسوونه ويوم دخلت الكل قام يسألها وينك وهي ماتدري عن العالم توهاشايفه حبيبها يعني لاأحد يلومها أمتلت غرفتها هدايا سعود .. وأمتلت غرفته هدايا هيفا سجلته بجولها عديل الروح .. وسجلها ملكة روحي (سبحان الله كيف عشق هاالبزر من عقب ماكان مايطيقها) ويوم جت أختبارات النصف الثاني النهائيه .. كان يهتم فيها وطبعاهي كبرت على المتوسط وصارت بالثانوي وكل شوي يقولها ذاكري زين ..وكلي زين ويوم نجحت طااارمن الفرحه وأخذها من المدرسه على مطعم عشان يفطرها ..داها تشري هديتها على ذوقها قالها : هيفاء قالت :هاه قال : مثل هالوقت السنه الجايه وإذا نجحتي بخطبك قالت هيفاء :بربك ياسعود (دايم كلمتهابربك والله أشتقت لها) قلت : وبعدهاسنه بخلي زواجنا قالت : أول سنه عذبتني وبعدهابسنه عشقتني وبعدهابسنه بتخطبني وبعدهابسنه بتتزوجني .. ياربي متى تجي السنه الجايه ..عشان أصيرخطيبةسعود قال :كل شي بوقته حلو ..أصبري يامرجوجه وطبعاهيفاء كل عطله تسافرخارج السعوديه أتصلت على سعود وقالت : سعود تذكرالسنه إللي راحت يوم قلت لك بسافر قام سعوديضحك قال :إيه أذكروأذكر إني قلت فكه قالت : طيب أناالحين بسافر قال :طيب وأنابسافرمعاك قالت : طيب لاتستهبل قال : طيب والله صادق بس متى قالت : بعدبكره بنروح بيروت قال : خلاص أنامعاك وبنفس الطياره قالت : أشوى عشان ماأتعب من شوقي لك يادب قال :هيفاءحبيبتي قالت : هااااه قال : وش هاااه كم مره أقولك قولي سم لبيه آمر قالت : طيب سم لبيه آمر سعود : ياقلبي بروح أجهزشنطتي .. وأكلمك بليل وكامل محاضراتك باااي__ سعود باااي وسافرواوقضوا لعطله في بيروت .. وكان سعود ساكن بنفس الأوتيل ووين ماتروح هيفاء سعود وراها ويوم كانو بلجبل قالت هيفاء : أنا نفسي أقول لناس أحب سعود واطلع إللي بخاطري وأقولهم قصتي معاك ..ومعاناتي وسعادتي إللي شفتهم منك قال لاتستعجلين خليها بعد زواجنا ..عشان تصيرقصه حلوه وكامله ولما رجعوا لرياض عشان الإجازه إنتهت ماأنتهو سعود وهيفاء عن مكالماتهم وقابلتهم حتى أصحابهم يشتكون من غيابهم .. وهم ماعليهم من أحد ولماأتمت هيفاء الثمان طعش فرح سعود لأن طفلته كل يوم تكبر حتى هوبعد كان سبعه وعشرين أصبح تسعه وعشرين وفي مره من أسؤا المرات مرأسبوع على سعود ماشاف فيه هيفاء بس كان بينهم مكالمات أصرسعود أن هيفاء تطلع معاه وأول مره هيفاء تترد أنهاتطلع وخصوصا مع سعود سألها : ليش؟ قالت :ماأدري بس خلهابعدين عادعليها مره ثانيه :ليش؟ قالت :كذاخلها بعدين قال بعصبيه:إييوه قولي إنك مليتي مني وماتبين تشوفيني قالت : والله موكذابس أحس إني خايفه قال:أنتي كذابه مره خلهابعدين ...مره كذا ...والحين خايفه قالت : خلاص خلاص أبشوفك قال:لا قالت : ليش قال:خايف(بيردلهاكلمتها) قالت:وبعدين بلاعناد أبشوفك وأتفقت معاه إذاناموأهلها يجي وتطلع معاه وفعلا الساعه ثنتين اليل جاء وطلعت هيفاء وكانت هيفاءإللي ماتعرف الخوف أول مره خايفه ..وكانت مرتبكه حييييل وقف سعودعلى جنب وجلس بكرسي هيفاء توه بيحظنها يهديها إلا شباك الموتر يطق بقوه ويوم لف سعود إلاالدوريه واقفه نزلوا سعود وهيفاء وكانت هيفاء تصارخ (والله أحس صوتها بإذني لاأحد يقول وش دخله لأني أنا سعود) كانت تبكي وتناديني ولا قدرت أسوي أي شي قام العسكري طلب سيارة دوريه ثانيه ركبوها بسياره وأنا بسياره..ولا كنت أفكر الا فيه وكنت خايف عليها وصرخاتها كانت باقيه بإذني ومنظر دموعها بعيوني دخلت ولقيتها بمكتب الظابط قلت لظابط صدقني أنا أحبها وأبي اتزوجها بس لا تقولون لأهلها أخاف يذبحونها ودخلوني التوقيف ولا أحد يرد علي ..وكنت خايف على هيفاء وانا جالس أفكر إلا أسمع أصوات عاليه صوت ولد كان يهاوش وصوت هيفاء تبكي بصوت عالي أنا أنهرت وقمت أبكي مثل الأطفال وأنادي: هيفاء هيفاء والله ما كنت بوعيي جاني العسكري ودخلني للغرفه إلي هيفاء فيها وكان نواف أخوها جالس طحت عند رجلينه وقلت بتزوجها لا أحد يسوي لها شي قالي كان تزوجتها من قبل هالحظه الحين لما فيه أمل أزوجك أختي وانت سبب فضيحتنا ..وعشان ما تعيرها بكره بهذ الشي قالت هيفاء : بس أنا أبيه ولاني متزوجة أحد غيره نواف أكتفى بصراخ عليها لأن العسكري ماسكه ما يطقها (على فكره أبوها متوفي ) وبعد السالفة بسبوعين رحت لبيتهم أبي أكلم أخوها قالوا لي الجيران نقلو خارج الرياض عشان فضيحة بنتهم أنا ما سكت له وجلست أتخانق معاه ووقفته عند حده أما هيفاء جوالها مقطوع ..وصديقاتها يقولون إن أهل هيفاء غيروا أرقامهم ولا يعرفون لها طريق سامحيني يا هيفاء أنا كلب وحقير بس والله ما كنت أعرف إنه بيصير لنا كذا أشتقت لك يا هيفاء وأشتقت لجنونك وطيشك وأشتقت إني أمشي وراك بسيارة وأشتقت لكلمتك( بربك يا سعود) وأشتقت أسمع منك أحبك يا سعود هيفاء وينك والله أفز من نومي أدورك والله أبي أتزوجك ..والله أضم صورتك قبل أنام وأشم هداياك تصدقين باقي فيها ريحتك ..وين أرضك وين سماك باقية يا هيفاء على قيد الحياة أو صار لك شي بغيابي.. صدقيني أفكر بك بكل لحظه .. وأنتي نسيتيني وإلا لا هيفاء تذكرين يوم كنا في بيروت .. قلتي لي أبي أقول لناس أحب سعود هذا أنا يا هيفاء بحقق أمنيتك وبقول .. هيفاء تحبني وسعود عبد الله فهد الطيار يحبها اللهم لا تفرق بين كل أثنين يحبون بعض ..واجعلهم على طول الحياة بأحضان بعض ورجعلي هيفاء سالمه غانمة ..فاني طلبتها منك بالحلال وأنت الحي الرحمن الرحيم آمين يارب العالمين /سعود عبد الله فهد الطيار تأثرت بالقصه كثير ..وعجبتني ..وهي واقعيه عن مأساء سعود..وأتمنى أنها تعجبكم التعديل الأخير تم بواسطة Ha[D]oOoLa㋡™ ; 07-06-2008 الساعة 09:01 PM |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| """"""" اعرف مرضك من ملامح وجهك """""""" | كسير من هالجروح | الصحه والطب | 7 | 01-31-2024 09:33 AM |
| "!"!"!" هـل من الممكن أن يكون أصدقاء النت أفضـل وأوفـى من أصـدقاء الواقـع ؟ "!"!"!" | NiCe GiRl | النقاش العـام | 8 | 10-30-2023 10:29 AM |
| كبـرياء انـثى .. بينكم | كبرياء انثى | منتدى جروح للترحيب | 11 | 11-01-2012 11:06 AM |
| ضاعت الخطوه وانا اصيح ارجعي | طــال انتظـــاري | الشعــــــــــــر | 3 | 08-29-2008 08:55 PM |
| شاب سعودي يتقدم لخطبة " هيفاء وهبي " ... شاهد صوره | روح بلا جسد | الاخبـار الساخنــه والاحــداث المثيــرة | 11 | 05-23-2008 09:13 PM |
العرض الشجري