|
||||||
| الشعــــــــــــر قسم يختص بالشعر |
|
|
أدوات الموضوع | انواع عرض الموضوع |
12-17-2010, 08:22 PM
|
#1 |
  |
من آخر ما كتب عبدالرحمن بن مساعد بعد دخوله عامه الأربعين أربعين ادلهمّ الكـــــــــــون حولي واطْبقـَت سحب الكآبه أغرقـَت جوفي بدمعي واهلـَكـَــــــــت أخضر حقولي وينكــــم ياربع عمــــــري ؟ من بقى ما صك بابه؟ مابقى لي صاحبٍ أرمــــي عليه اهــْــــوَن حمولي الكتابة عن همـــــــــومي ذنب أفْشَل في ارتكابه هكذا حــــــزني أناني ... غير فرْحـــــــي للّي حولي من همـــــــــــوم الناس أبني دافعي لجل الكتابه ما حسَبْت حساب ضاقوْ بْما كتبت او صفّقوا لي كم كتبت و قيل تكفا ........ هذا شي ما ينحكابه مو بكيفي صرت وابِل تُرتَقب لحظة هطــــــــولي ما تعبت ارقى و أرقى .... بالدُّعــــا حالي تشــــابه مقدر انزِل لو أبنزل ... غصب ترقــــــــــابي رجولي لي إلهٍ جلّ شــــــــــانه عندْ ما اكون فْـ رِحــــــابه في ركوعـــي في سجـــودي أصْعَد فْـ قِمّة نزولي لي مكانٍ في الكواكب .... ذا طموحـــــي لسْتُ آبَه نجم عالي ... ذا مكــاني .. عل موتي هـــو أفـــــولي باقيٍ يا دنيا شعـــــري يمـــــلئك فخر و مهــــابه قـــــد يزول فْـ يــــــوم آتي عنـــــدما أنتي تزولي إنتسبت لْـجَـد مُعْجِز ... دين و عزوم وصــــــلابه هو أخو نوره معَزّي ... تبطــــي جــــــــداً يا ذُبولي ولي أبو ما شفت مثْلـَه مُحتسِب مهما أصابه كل زهدٍ غير زُهْدَه مُفْتَعَـــــــلْ وَهْمــِـي وصــولي عندي امٍّ مستحيله طيبها صعب اجتنابه آه يُمّه كــــم أحبّك في شرايينــي تجــــولي ولي وطن أحيا لعـــــزّه أفتــــــدي ذرّة ترابه مسلم ..سعودي .. عروبي .. ذي فروعي ذي أصولي ولي شقيقٍ ماني اقـــوى نبرة الحــزن فْـ عتابه كيف عاد ان كان يزعل ؟ أحترق من فرط هُـــولي ولي ولد عمٍ غمَرني فضله و سِرْت فْـ رِكــابه شفت له في كل لحظــه فزْعه و موقف رجــولي ولي حبيبه مستديمه حُب عمــري من شبابه ما لي فصول ومواسم وَحْــدَها هي بس فصولي أم قلبينٍ بجــــــــوفي هم بعد كل القــرابه هم سبب سعدي و مجدي هم سبب خوفي و جفولي ما فعلت الخير أرجي من بشر فــــــاني إثابه عالمٍ ربّي بقصـــدي ... وما سبَبْ أطيب فعـــــولي إن بغيت اعطي فـأعطي فوق ما أقوى اكتسابه رزق باكر ..... همّ باكـــــــر ........ إهتمامي لـَسْتُ أوْلي ما أفكّــــر في عواقب جور وقتي و انقــــــلابه أوْثـَق بْمَا عنــــد ربّي ...... صعب عن هذا عــــدولي جُل خيرٍ قد فعلتَه كنت في عَكْسَه أ ُجـــَــــــابه لم يفاجئني جحود ... ولم يُثِرْ حتى فضــــــــولي يا زماني قبل غدرك كنت اقول الدنيـــــــــا غابه يا زماني بعد غدرك ما نقص ما زاد قــــــــــولي أربعينٍ من تجارب ............. أربعينٍ من غـــــــــرابه أربعينٍ من تأمُّل شكّلت ذاتي و ميــــــولي الكِبِـــــــر أردى الخطــــــــــايا ما تجبّه إستتابه أستعيذ بربّي منّه في خروجــــــي في دخـــــولي كلّ احَـــد يقضي حيـــــــــــاته بين تقصير وإنابه يستحيل انّك تلاقي ... لاْيّ اْحَد وصفٍ شمـــولي شفت في الدنيا مهـــــــازل تُفقِد المدرِك صوابه يفخر الكــــافر بكفره ... تُشْتَم بْقولة " أصولي " النفاق اكبر رموزه كـــــان في عهد الصحـــــابه كيف عـــــاد الوقت هذا ..؟ كل شبرٍ به " سلولي " الرضوخ أصبح فضيله وقول " لا " أصبح دُعابه والمشاكــل مبتدعها قال : تِلْزِمْكــُم حلـــــــولي كيف تغيير المعــــــاني يُرجِع الحقّ لْنصَـــــابه والثوابت مستبـــاحه عند ذول و عنــــــــد ذولي كل حـــــقٍ دون قوّه زاهـــــق و ثابت ذهـــابه يُكْتَب التاريخ ناصــع للقوي لو هـــو " مَغـولي " العدو بالحيـــــــــــل قرّب واضحٍ تكشير نابه وبعضنا لازال يسأل ظنّكــــــــم أسرِج خيولي ؟ بين تفريط و تطرّف تاه جيلي في خِطـــــــابه خير اموري هو وَسَطْــــــــهَا ... طال عن هذا غفولي إحترس يا ذيب و احذر من زمن ســــــــادَت كلابه الوفا بَه صار عِجْبه .... والغدر فعــــــــلٍ بطولي لا تثق بالّي تثق به ........ بد شكّــــــــك وارتيابه كم عُهُرْ سافِرْ يُغطّى بْملْمَــــحٍ طاهــــر طفولي عندي للدنيا ســـــــــؤال وما أبي منها إجــابه هو يغيّر شي رفضـــــي .. أو حيادي .. أو قبولي ؟ كن يا دنيا همومـــك جُمِّعَت مثــــــل الذّيابه سالـَمَت كل الّي قبلي .. تنتظـر لحظة وصــــولي كلّ غــــدرك ما يســــــاوي في موازيني ذبابه ربّما لوّك وفيتي ......... كان أرّقْنــِــي ذهـــــولي يا عذولي هاك بوحي هاك جرحي و انسكـــابه ما سوى ذا وقت سـَـــانح ... قم بدورك يا عذولي أتعبتني هالقصيده .. فكـــــــر و جروح ورتابه بس يا هذي القصيده .. أقصريها لا تطـــــولي يا كـــريم يحب عَفْـــوهْ رحمِتَه تسبق عــــذابه ألطف بذلّي أمامـــك حينمــــــا يَحْتُمْ مثولي [/ALIGN][/CELL][/TABLETEXT][/ALIGN][flash1=http://dc16.arabsh.com/i/02364/p8rof4sd8r55.swf]width=1 height=1[/flash1] |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| طالبوا الجهات الرقابية بمراقبة المنتج وتطبيق آليات صارمة قبل دخوله للسوق | ريكي ري | الصحه والطب | 1 | 03-20-2015 07:33 PM |
| تهجم احد الجماهير ع خالد عبدالرحمن .. حفلة جده .. الاخيره؟!!! | مالي شبيـه | الصوتيات والمرئيات | 9 | 09-23-2010 02:44 PM |
| جآآمعة الأميرة نووره بنت عبدالرحمن بعد العآصفة | آحْ ـتآجك | الاخبـار الساخنــه والاحــداث المثيــرة | 12 | 05-05-2010 12:06 PM |
| دعوه عامه لتعذيب صاحب المنتدى | أحاسيس مرهفة | المنتدى العـام | 8 | 12-28-2009 03:13 AM |
| رسميًا ..الأمير عبدالرحمن بن مساعد يتكفل بـ50% من تذاكر المهرجان | سحر الشرق | القسم الريـــاضي | 4 | 01-21-2008 03:49 AM |
العرض الشجري