04-18-2008, 06:59 AM
|
#1 |
  |
بسم الله الرحمن الرحيم
شاب فقير خطب بنت عمه المليونير ، وزود عمه طلباته عليه فقال قصيدة وانا انقل لكم القصيده: 1- سبحان من يرزق بتوع الملاييـن الرازق اللي ما يخيب الرجـا بـه- 2- لي عم عنده معـرضٍ للصواليـن أموت واعرف بس من وين جابـه - 3- وإذا سألته قـال بعـت الدكاكيـن ما يدري إني ما هضمت الإجابـه - 4- الشاهد إني رحت له قبـل يوميـن في قصره العامـر ودقيـت بابـه - 5- قال ارحب ارحب عدّ ورد البساتين يا مرحبا باللـي لفـا يـا هلابـه - 6- قلت البقا عـدّ النفـل والرياحيـن يا شيخ شمل اهل الكرم والذرابـه- 7- قال اسلم الله يحفظك لي من العين وآمر أوامر حضرتـك مستجابـه - 8- قلت الصراحة طالبٍ قرب غاليـن ودي تزوجنـي كريمتـك يـابـه- 9- ثنّى وقال اهليـن والله وسهليـن والكون ترخص لجل عينك رقابـه - 10- لكن ترا عندي شـروط وقوانيـن قلت اشرط اشرط يا حبيب الغلابـه - 11- قال أولاً مهر العروسـة ثمانيـن غير الرسوم وغير حق العصابـه - 12- والثانية عمك يبي منـك سبعيـن رسم الأبـوّة والنسـب والقرابـه- 13- وام العروسة حقها منـك ستيـن عشانها ست الحسـن والمهابـه - 14- واخوانها كلن يبي منـك خمسيـن عداً ونقـداً تنـدرج فـي حسابـه- 15- وخواتها الخمس اعطهن من ثلاثين عشان تتوثـق عـروق النسابـه - 16- وتجيب طقم عيار واحد وعشريـن وخاتم من الماس المصفى ترابـه- 17- واكياس متروسة كعوب وفساتيـن ألوانهـا واشكالهـا مـا تشابـه - 18- وموتر بسواقـه وفيـلا بدوريـن أثاثهـا مـن بطرتـه ينحكـابـه - 19- واحجز لنا قاعة بقصر السلاطيـن واحجز بهـا رقاصتيـن وربابـه - 20- وامنع دخول اهل اللحى والبزارين واعزم أميـر المنطقـة بالنيابـه - 21- هذي الشروط اللي على بالي الحين وذكرني اللي ما حسبنـا حسابـه - 22- قلت اذكر الله يا عـدو المساكيـن واستغفـره لا يبتلـيـك بعـذابـه - 23- الظاهر إنك منت عارف أنا ميـن أنا لو ارقا فـوق متـن السحابـه - 24- ما جبت حتى نص درزن مواعيـن واضحك بكيفك واعتبرهـا دعابـه- 25- شروطكم هذي شـروط المجانيـن شروطكم شغـل ابتـزاز ونهابـه - 26- شروطكم تقصم ظهـور البعاريـن شروطكـم همّـن وغـم وكآبـه - 27- شروطكم والله سيوف وسكاكيـن تذبح بنات المجتمع مـع شبابـه - 28- وين الرضا والعطف واليسر واللين اللي ذكرهـا الله بمحكـم كتابـه- 29- وين الصفات اللي أمرنا بها الديـن وين اختفى نهج النبي والصحابـه - 30- يا عم جعل اللي خلقنا من الطيـن يرد عقلك مـن خطـاه لصوابـه - 31- ويجعل نصيبي عند غيرك قل آمين ويحسن عزا الصابر ويجزل ثوابه - 32- قال انت لو فكرت تفكير صاحيـن ما شفت في مجمل شروطي غرابه - 33- حنا بعصـر العولمـة والمزاييـن ماهوب عصر الفلسفة والخطابـه - 34- الناس تسعى للرتـب والنياشيـن وانت اهتمامك بالشعـر والكتابـه- 35- والشعر ما ينفعك لو هو دواويـن ما دام جيبك مثـل بيـت الخرابـه - 36- يا بوك لا تسمع كلام المصاخيـن واسأل مجرب عاش في وسط غابه - 37- قلت الله اكبر يا محـرر فلسطيـن من يسمعك يحسبك ذيـب الذيابـه- 38- تراك شايب راس مالـك رياليـن والبنت ما تسوى جنـاح الذبابـه - 39- قال انقلع مالت على وجهك الشين لا عاد اشوفـك عندنـا يالزلابـه - 40- قلت ابشر ابشر لكن الباب من وين واقفيت من عنده على صوت بابـه- وسلامتكم |
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| { قصيدة : } | السحر الحلال | الشعــــــــــــر | 9 | 06-12-2013 11:02 PM |
| قصيدة خجوله | روعة الاحساس | الشعــــــــــــر | 14 | 07-21-2010 11:01 AM |
| قصيدة جرح | صرخة أنثى | الشعــــــــــــر | 9 | 04-23-2010 01:20 AM |
| قصيدة نمر بن عدوان | شوق الخفوق | الشعــــــــــــر | 6 | 04-22-2008 09:55 PM |
| قصيدة لكل مجروح | شوق الخفوق | الشعــــــــــــر | 7 | 04-20-2008 02:03 AM |
العرض الشجري