الزمن علمني اشياء كثير
أشتري شخص وم أنوي وداعه أعطي بـ صدق وماانتظر عطا الغير هذا قلبي وهذي اطباعه |
،
تاهت دروبي واحس اني حزينه من يقّديني و ياخذ في يديني؟ ضاق صدري من وفاه ومن حنينه ملّت دروبي سوالف خطوتيني عن منافي غربتي مالي مدينه لا لفاني الحزن ليلة ، تحتويني حبك اللي كنت اماري فيه وينه؟ ليه احس احيان إنك ما تبيني؟ |
على سبيل الصمت يا مكبر البوح
والعين تحكي بوح قد طال صمته بعض الكلام يعانق الروح ويروح وبعض الكلام يموت بك ما نطقته |
'
ما جرحتك لا ولا للحُب خنت ! مخلصة لك طول ما حنا سوا وين اروح؟ وكل نهاية درب " انت " وكل ما اسلى جاب طاريك الهوا ! |
تعال هات الود والحُب والشـــوق
خلني أحـس إني أبيك و تبينـي لا صرت راعي ذوق ومحبتك ذوق يعشـقك قلبـي وتمنــــاك عيـني |
كريم جرح ،،، وتضحياته بخيله
ومحبته لي مآعرف وش هدفها ! ويقول : فكرة بُعدنا مستحيله وما فيه غلطة بـ حُبنا ما اقترفها !! من جات ما بيني وبينه دخيله : واطباعه اللي آحبها ، مآعرفها ! |
باعطيك قلب في سما الحب مرموق وعطني شعور سامي في مكانــــــه |
-
علّم العاذل حبيبي ، وش كثر تعنيني من تمنى فراقنا قل له : "ترا نتواصل" كلما قلت انتهينا زاد حبك فيني لين ماصار المفارق شي ماهو حاصل :) |
يشهد الله ماجاك مني ردّى
ويشهد الله ماتلقى مثلي حبيب |
-
بنتظر نطّاح الاعدا في كتوفه به من خصال المراجل ما فتنّي وافي يْحط الغلا في وسط جوفه اجوديٍ ما يخيّب فيه ظني كل وقفة بالمراجل ما تطوفه ماله ومال الرخوم اللي تمنِ ذيب ماترتاح في ليله سيوفه لو صدمهْ الوقت ابطى ماصدمني الامان يضمّني ساعة اشوفه وكل خيرٍ في وجوده يحتضنّي |
الساعة الآن 06:53 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
new notificatio by 9adq_ala7sas